9-may — Xotira va qadrlash kuni munosabati bilan axborot-resurs markazlarining o‘quv zallarida ko‘rgazmalar tashkil etildi

9-may — Xotira va qadrlash kuni munosabati bilan axborot-resurs markazlarining o‘quv zallarida ko‘rgazmalar tashkil etildi. Ushbu ko‘rgazmalarda Vatanimiz tinchligi va mustaqilligi yo‘lida jon fido qilgan ajdodlarimiz xotirasiga bag‘ishlangan kitoblar, tarixiy hujjatlar, jurnal va gazetalar namoyish etildi.

Ko‘rgazmalar orqali yosh avlodni vatanparvarlik ruhida tarbiyalash, ularni ajdodlar jasorati va mardligiga hurmat ruhida voyaga yetkazish maqsad qilindi. Shuningdek, tashrif buyuruvchilar ko‘rgazma orqali urush yillari tarixi, qahramonlar hayoti hamda ularning fidokorligi haqida yanada chuqurroq tasavvurga ega bo‘ldilar.

Mazkur tadbirlar ishtirokchilarda yurtga sadoqat, tinchlikning qadriga yetish va milliy qadriyatlarga hurmat tuyg‘ularini yanada mustahkamlashga xizmat qiladi.