15-yanvar kuni O‘zbekiston davlat jahon tillari universitetida rektor Ilxomjon Tuxtasinov universitet magistrantlari va doktorantlari bilan uchrashuv o‘tkazdi.

15-yanvar kuni O‘zbekiston davlat jahon tillari universitetida rektor Ilxomjon Tuxtasinov universitet magistrantlari va doktorantlari bilan uchrashuv o‘tkazdi. 

Tadbirda ilmiy maqola yozish va chop etish borasidagi muammolar va ularni hal qilish yo‘llari muhokama qilindi. Rektor Ilxomjon Tuxtasinov ilmiy tadqiqotlar jarayonini samarali tashkil etish uchun talabalar uchun qulay imkoniyatlar yaratish zarurligini ta’kidladi. Shuningdek, kutubxona resurslaridan to‘liq foydalanish, mamlakatimizdagi kutubxonalardan ilmiy izlanishlarni rivojlantirish uchun keng imkoniyatlar mavjudligini ma’lum qildi. Universitet barcha zarur vositalarni taqdim etishga tayyor ekanini bildirdi. 

Ilmiy ishlar va innovatsiyalar bo‘yicha prorektor Otabek Yusupov hamda Yoshlar masalalari va ma’naviy-ma’rifiy ishlar bo‘yicha prorektor Valijon Sa’diyev ham uchrashuvda ishtirok etdi.

Ular ilmiy izlanishlarni chuqurlashtirish va yoshlar uchun yanada ko‘proq imkoniyatlar yaratish borasida o‘z tavsiyalarini berishdi. Shuningdek, ilmiy maqolalar chop etish, xalqaro jurnallarda ishtirok etish va talabalar bilan ilmiy hamkorlikni rivojlantirishga qaratilgan muhim masalalar yuzasidan fikr bildirdilar. 

Uchrashuv davomida, yig‘ilganlar o‘z fikr va mulohazalarini bildirishdi va ilmiy ishlarni yanada samarali tashkil etish yo‘llarini muhokama qildilar.