O‘zDJTU Axborot resurs markazida bugun tayanch doktorantlar uchun ilmiy-amaliy seminar bo‘lib o‘tdi.

O‘zDJTU Axborot resurs markazida bugun tayanch doktorantlar uchun ilmiy-amaliy seminar bo‘lib o‘tdi. Tadbirda kompaniya menejeri Shodmonova Feruza EBSCO axborot tizimlari haqida taqdimot qildi. Ushbu tizim dunyo bo‘ylab 98 000 nashriyot tashkiloti bilan hamkorlik qiladi va akademik, korporativ hamda davlat sektorlaridagi tadqiqotlar uchun foydali resurslarni taqdim etadi.

Seminar davomida ishtirokchilar EBSCO resurslaridan foydalanish usullari, shuningdek, uning O‘zbekistonda bepul, boshqa mamlakatlarda esa pullik xizmat ko‘rsatishi haqida batafsil ma’lumot oldilar. Tadbir yakunida "Eline press" kompaniyasi vakillari ishtirokchilar bilan flyerlar, aloqa varaqalari va ma’lumotlar jamlanmalarini ulashdilar. Bundan tashqari, ularga EBSCO resurslaridan bepul foydalanish uchun login va parollar taqdim etildi.