Ingliz tili birinchi fakultetida yangi o‘quv yili boshlandi

Ingliz tili birinchi fakultetida yangi o‘quv yiliga qadam

2025-yil 3-sentabr kuni Ingliz tili 1-fakulteti o‘z talabalarini tantanali tarzda qarshi oldi.

Tadbirni O‘zbekiston davlat jahon tillari universiteti rektori Ilxomjon Madaminovich Tuxtasinov ochib berdi. U o‘z nutqida talabalik davrining qadr-qimmati, ular uchun yaratilayotgan imkoniyatlardan samarali foydalanish lozimligi hamda yoshlarning uchinchi renessans poydevorini yaratuvchi avlod ekanini ta’kidladi.

Shuningdek, ochilish marosimidan so‘ng fakultet dekani Guli Ergasheva boshchiligidagi fakultet mas’ullari talabalarning ota-onalari bilan uchrashdi. Suhbat davomida universitetdagi shart-sharoitlar haqida batafsil ma’lumot berildi va ota-onalarni qiziqtirgan savollarga javob qaytarildi.

Tadbir yakunida ota-onalarga tashakkurnomalar taqdim etildi.