Xalqaro jurnalistika fakultetida ijod va so‘z mas’uliyati haqida samimiy uchrashuv bo‘lib o‘tdi

Xalqaro jurnalistika fakultetida ijod va so‘z mas’uliyati haqida samimiy uchrashuv bo‘lib o‘tdi

Xalqaro jurnalistika fakultetida navbatdagi mazmunli uchrashuv va taqdimot tashkil etildi. Tadbirda Axborot-resurs markazining 1-toifali kutubxonachisi M. Akromova, o‘qituvchilar A. Karimov va M. Soburova, tyutor M. Abdullaeva hamda talabalar ishtirok etdilar.

Uchrashuvning faxrli mehmoni — O‘zbekiston Yozuvchilar uyushmasi Farg‘ona viloyati bo‘limi raisi, O‘zbekistonda xizmat ko‘rsatgan jurnalist M. Obidov bo‘ldi.

M. Obidov o‘z chiqishida zamonaviy axborot oqimida jurnalistning roli va mas’uliyati haqida chuqur fikrlar bildirdi. U shunday dedi:
“Jurnalist avvalo haqiqatga sodiq bo‘lishi kerak. O‘quvchi ishonchini qozonishning yagona yo‘li — aniqlik, fikr tiniqligi va kasbga sadoqatdir.” 

Suhbat davomida ishtirokchilar jurnalistikaning dolzarb masalalari, ijodiy mahoratni rivojlantirish yo‘llari va axborot makonidagi yangilanishlar haqida qimmatli ma’lumotlarga ega bo‘ldilar.

Tadbir talabalar uchun nafaqat kasbiy bilim, balki haqiqatni izlashga undovchi ruhiy saboq bo‘ldi.